ანალიტიკური შეფასების სქემა

                         ანალიტიკური  შეფასების რუბრიკა

კრიტერიუმი	1–2	3–4	5–6	7–8	9–10
მთავარი  გმირების ამოცნობა	ვერ ამოიცნობს.	ამოიცნობს მხოლოდ ერთ გმირს.	ამოიცნობს ორ გმირს.	ამოიცნობს სამ გმირს.	ყველა გმირს სწორად ამოიცნობს.
მსჯელობა	ვერ მსჯელობს.	მსჯელობისას მეტყველება ბუნდოვანია.	მსჯელობისას იყენებს მხოლოდ რამდენიმე ფრაზას.	მსჯელობს ნაწილობრივ, თუმცა ვერ ასაბუთებს  საკუთარ აზრს.	მსჯელობს კარგად და ასაბუთებს საკუთარ აზრს.
წინადადებების შედგენა	საერთოდ ვერ ადგენს წინადადებას.	შედგენილი წინადადების აზრი გაუგებარია.	წინადადებას ადგენს ბევრი გრამატიკული შეცდომით.	წინადადების აზრი გასაგებია, თუმცა დაშვებულია რამდენიმე გრამატიკული შეცდომა.	წინადადება აზრობრივად გამართულია და არ არის დაშვებული გრამატიკული შეცდომები.
თანამშრომლობა	ვერ თანამშრომლობს თანატოლებთან.	თანამშრომლობს ძალიან იშვიათად.	თანამშრომლობს იშვიათად.	ხშირად თანამშრომლობს თანატოლებთან, სვამს და პასუხობს კითხვებს.	ყოველთვის ხალისით თანამშრომლობს თანატოლებთან და ეხმარება მათ წყვილებში/ჯგუფური მუშაობის დროს.

სასწავლო პროექტი

                                 

                                           სასწავლო პროექტი

პროექტის სახელწოდება:  „ტატუირება ახალგაზრდებში.“

პროექტის მთავარი იდეა:

ვინაიდან ახალგაზრდობა ჩვენი მომავალია, პროექტის მიზანია მოსწავლეებს საშუალება მივცე  თავად გაიაზრონ და გამოიკვლიონ, თუ რატომ არის ზოგისთვის ტატუირება ხელოვნების დონემდე აყვანილი. რა არის მისი უარყოფითი მხარეები და აქვს თუ არა საერთოდ რამე დადებითი.

პროექტის აქტუალობა: 

თანამედროვე ახალგაზრდებში ძალიან გავრცელდა ტატუირების პრობლემა. რატომ გახდა ის ასე პოპულარული და რა უბიძგებს მათ ტატუს გაკეთებისკენ? ნამდვილად „ბოდი არტ’’–ის სახესხვაობაა იგი თუ უბრალოდ თვითდამკვიდრების საშუალება?

პროექტის მიზნები:

·        უცხ.ს.I.23. მოსწავლეს შეუძლია მარტივ ინტერაქციაში მონაწილეობა.

·        უცხ.ს.I.29. მოსწავლეს შეუძლია უცხოურ ენაზე განახორციელოს სხვადასხვა ტიპის პროექტი.

·        უცხ.ს.I.32. მოსწავლეს შეუძლია რესურსების გამოყენება სასწავლო საქმიანობის ხელშეწყობის მიზნით.

·        უცხ.ს.II.10. მოსწავლეს შეუძლია პრესაში გაეცნოს ყოფითი ხასიათის ,ინფორმაციულ ტექსტებს (მაგ., საქმიანი განცხადება, ინტერვიუ,ტელეპროგრამა და სხვა) და გაიგოს ექსპლიციტურად მოცემული ინფორმაცია.

მონაწილეთა ასაკი:  15–17 წელი.

ვადები/ხანგრძლივობა: 1 კვირა

მოსალოდნელი შედეგები/ პროდუქტები, რაც შეიძლება შეიქმნას:

მოსწავლე შეძლებს:

·        მოიძიოს ინფორმაცია, როგორც სკოლაში, ისე სკოლის გარეთ ხელმისაწვდომ რესურსებში( მაგ., ბიბლიოთეკა, მასწავლებელი, კომპეტენტური პირი, ინტერნეტი და სხვა).

·        გამოიყენოს ისტ–ი ამა თუ იმ მასალის/ტექსტის შესაქმნელად/დასამუშავებლად.

·        გუნდის წევრებთან ერთად მოიძიოს, შეარჩიოს და დაამუშაოს ინფორმაცია, განახორციელოს პროექტი.

·        კომუნიკაციასა და საჭირო ფრაზეოლოგიის ინგლისურ ენაზე გამოყენებას.

შეიქმნება: პლაკატი, სლაიდები Power Point-ის პროგრამაში. საინფორმაციო ბუკლეტი, ვებ–გვერდი.

პროექტისთვის საჭირო რესურსები:

სახელმძღვანელო, კომპიუტერი, პროექტორი, ფოტოაპარატი, ფლიპჩარტი,ფერადი ფანქრები.

 

	შედეგების მისაღწევად განსახორციელე–ბელი აქტივობები	საქმიანობის გაწერა დროში		საქმიანობის განმახორციე– ლებელი მოსწავლეები	საქმიანობის განხორციელებაზე პასუხისმგებელი მოსწავლეები	საქმიანობის შესაბამისი რესურსები
1	თემის შერჩევა	1 დღე		ყველა მოსწავლე	ხელმძღვანელი  ჯგუფიდან	სახელმძღვანელო
1.1	მოსწავლეებს  ვაცნობ პროექტის თემას და  მოსწავლეებს ვუსვამ კითხვებს და ვიგებ, თუ რა იციან ამ თემის გარშემო.
1.2	მოსწავლეები გეგმავენ პროექტს და ინტერნეტში მოიძიებენ აღნიშნულ თემასთან დაკავშირებულ  ინფორმაციას.	2 დღე		ყველა მოსწავლე ჩართულია		კომპიუტერი, ინტერნეტი
2	მოძიებული ინფორმაციის ერთმანეთისთვის გაზიარება	3 დღე
2.1	მოსწავლეები მოძიებულ მასალას ერთმანეთს აცნობენ და ატარებენ გამოკითხვას თავიანთ თანატოლებთან და იმ ნაცნობებთან ,ვისაც ტატუ აქვს გაკეთებული.			ყველა მოსწავლე ჩართულია	ჯგუფის ხელმძღვანელი
2.2	მოსწავლეები ინტერვიუს იღებენ ტატუირების სპეციალისტისაგან და ამოწმებენ მსგავს სალონებში სანიტარულ–ჰიგიენური ნორმების დაცვის ხარისხს. გადაღებული ფოტოების საშუალებით აკეთებენ სლაიდებს.	4 –5 დღე		ყველა მოსწავლე	ჯგუფის ხელმძღვანელი და	ფოტოები
3	საინფორმაციო ბუკლეტის  შექმნა	6 დღე
3.1	მოსწავლეები შეგროვილ ინფორმაციას აჯამებენ და აკეთებენ საინფორმაციო ბუკლეტსა და პლაკატს. ერთად მიდიან იმ დასკვნამდე,რომ ტატუს გაკეთება არ ღირს. კეთდება პრეზენტაცია.			ყველა მოსწავლე პრეზენტატორი	ჯგუფის ხელმძღვანელი და პრეზენტატორი	ფანქრები, ფლიპჩარტი კომპიუტერი პროექტორი
3.2	პრეზენტაციის განთავსება ბლოგზე.	7 დღე			პრეზენტატორი ჯგუფის ხელმძღვანელი	კომპიუტერი სლაიდები

   

საგნებთან/ საგნობრივ ჯგუფებთან/ ეროვნულ სასწავლო გეგმასთან კავშირი:

ისტ. ბიოლოგია

პროექტის მასწავლებელი : მანანა ფილია

მასწავლებლის ელ. ფოსტა:  mananapilia22@gmail.com

პროექტის ვებ–გვერდი/ბლოგი:  https://kolxeti22.blogspot.com

გაკვეთილის პრეზენტაცია

https://drive.google.com/file/d/1qluCpgSO-iITV8FF69Oi03W2r4CIAbdw/view?usp=sharing

გაკვეთილის გეგმა

                                   გაკვეთილის გეგმა

მასწავლებლის სახელი, გვარი : მანანა ფილია.

საგანი: ინგლისური ენა

სწავლების საფეხური/კლასი:  საბაზო/ VII კლასი/ I დონე

მოსწავლეთა რაოდენობა: 8

გაკვეთილის თემა: Young heroes.

გაკვეთილის მიზნები:

 *მოსწავლეები შეძლებენ ტექსტის წაკითხვასა და გააზრებას.

* მოსწავლეები შეძლებენ ტექსტიდან ძირითადი ინფორმაციის ამოღებას და შესაბამისი სავარჯიშოების შესრულებას.

* მოსწავლეები შეძლებენ კითხვისა და ზეპირმეტყველების უნარების განვითარებას.

N	აქტივობის აღწერა	გამოყენებული მეთოდი/მეთოდები	კლასის ორგანიზების ფორმა/ფორმები	სასწავლო რესურსები	დრო
1	მოსწავლეებს ვაცნობ გაკვეთილის თემას, მიზანს,აქტივობებს, შეფასების რუბრიკას და ვაკრავ  მათ თვალსაჩინო ადგილზე.	ვერბალური	მთელი კლასი	ფლიფჩარტზე დატანილი გაკვეთილის თემა და სასწავლო მიზნები	3  წთ
2	მივმართავ ბავშვებს–„წინა გაკვეთილზე ჩვენ ვიმუშავეთ ტექსტზე “Walkabout”.ახალ გაკვეთილზე გადასვლამდე გავიხსენოთ თუ რის შესახებ იყო ტექსტი.’’ შემდეგ ვსვამ  კითხვებს: 1)      What qualities does Jangala have? 2)      What kind of people do these qualities have? 3)      What is a hero? 4)      Tell me the qualities. მოსწავლეები     ასოციაციური რუკის მეშვეობით პიროვნული თვისებების მიხედვით ახასიათებენ გმირებს.	გონებრივი იერიში   ასოციაციური კავშირების რუკა		ტექსტი     გმირებზე. ასოციაციური რუკა	3 წთ
3	გმირების დახასიათების შემდეგ ვხსნი ახალ გაკვეთილს“young heroes.’’(ახალგაზრდა გმირები), რომელიც ასახავს 4 მოზარდის გმირულ საქციელს.  ვკითხულობ ტექსტს და თვასაჩინო ადგილზე ვაკრავ ახალი სიტყვების თარგმანს. ჩემს შემდეგ ტექსტს რიგრიგობით კითხულობენ და თარგმნიან მოსწავლეები. შემდეგ ისინი ცდილობენ საქართველოს ისტორიიდან  მათთვის ცნობილი ქართველი გმირები გაიხსენონ.	ვერბალური	მთელი კლასი ინდივიდუალური მუშაობა	ტექსტი გმირებზე	15 წთ.
4	ტექსტის წაკითხვის შემდეგ მოსწავლეებს პროექტორის საშუალებით  ვუჩვენებ გმირების ფოტოებს და ისინი შეეცდებიან გამოიცნონ მათი ვინაობა.(წიგნში მხოლოდ ერთი მათგანის ფოტოა მოცემული). შემდეგ მოსწავლეები პასუხობენ ჩემს მიერ დასმულ კითხვებს: 1)      Who collected books? 2)      Who worked in bad conditions? 3)      Who didn’t stop her favorite activity? 4)      Who began an organization? 5)      Who wrote a book? 6)      Who was killed?	ვიზუალიზაცია კითხვა–პასუხი			5 წთ.
5	მოსწავლეები ასრულებენ სახელმძღვანელოში 47–ე გვერდზე მოცემულ სავარჯიშოს N4- “ აარჩიეთ სწორი პასუხი’’.			სავარჯიშო	3 წთ
6	მოსწავლეები წყვილებში იმსჯელებენ,თუ რომელი გმირები მოეწონათ და რატომ.	წყვილებში მუშაობა	მუშაობა წყვილებში		10 წთ
7	ტექსტში მოცემული ახალი სიტყვების მეშვეობით მოსწავლეები წყვილებში შეადგენენ რამდენიმე წინადადებას.	წყვილებში მუშაობა	მუშაობა წყვილებში		2 წთ.
8	მოსწავლეებს ვაძლევ დავალებად მოიძიონ ინფორმაცია თანამედროვე ქართველი გმირების შესახებ.				1 წთ
9	ვაჯამებ გაკვეთილს, ვახსენებ ბავშვებს შეფასების რუბრიკას და ვაფასებ მათ. შემდეგ ვარიგებ გასასვლელ ბილეთებს. მოსწავლეები პასუხობენ შეკითხვებს, ათავსებენ ფურცლებს ყუთში და ტოვებენ კლასს.		მთელი კლასი		3 წთ.

     

გაკვეთილის ბოლოს მისაღწევი შედეგები:

·         უცხ.ს.I.12. მოსწავლეს შეუძლია მცირე ზომის თხრობითი ტექსტის წაკითხვა და გაგება.

·         უცხ.ს. I. 14. მოსწავლეს შეუძლია მიმართოს სხვადასხვა სტრატეგიას შინაარსის გაგების გასაადვილებლად.

·         უცხ.ს.I.26. მოსწავლეს შეუძლია სტრატეგიების გამოყენება მეტყველების უნარის გაუმჯობესების მიზნით.

შეფასება: ანალიტიკური შეფასების რუბრიკა
ხელმოწერა: მანანა ფილია
თარიღი: 26 ივლისი

                                 

               






                            გასასვლელი ბილეთები

1.)   რა ისწავლე დღევანდელ გაკვეთილზე?

 2).  ყველაზე მეტად რომელი აქტივობა მოგეწონა?

3).      რა ვერ გაიგე კარგად გაკვეთილზე?